وه‌ پێشواز دووسه‌یل

 

 

 

             

                                  سڵام

خوه‌ش هاتینه‌.سا‌وزم کردینه‌.نۊر وه‌ پاداناۆ .

ئێره‌نگه‌ ك  ئێ که‌لاوێ دڵته‌نگیێلمه‌ ڕووشناۆ کردینه‌ دڵنێام بکه‌ن ك یه‌ ئاخر جاردان نیه‌ و هه‌میش تیه‌یناۆ.

هه‌گ هاتینیش ناکووکیێیلم وه‌ پریازه‌ێگاۆ وه‌ ده‌ساوێز ئه‌ڕام بارن.

ڕه‌خنه‌ و نه‌قدێیلدان‌ چراخ ڕووشن ڕێ ڕه‌وه‌نمه‌.

.........

زانستن بار گرانێگه‌

وه‌ کووڵ خاوه‌نێ

ده‌سمێه‌تم ده‌ن

وه‌ ته‌نیا 

داوه‌زاندن

 

نیه‌تۊه‌نم.

 

هه‌گ وه‌ێریشە چین خودا وه‌ دیار سه‌رداناۆ.

                                           بۊچگدان حه‌بیب جه‌لیلیان(سالک)

 

توجه : این پست ثابت است.لطفا نظرتان رادر پست زیر  بنویسید. سپاسگزارم 

لفانەیل ئەفسانەێ کوردی

وە تیەریکەشاو تیەڵێ لفانەێگ په‌ێا بین

 

 

زقوم بی و تەم تەمە لۊلان

باێەقوش پێسێ قوو کردە میلکان.

لافاوێ هات و جاماڵ ئەڵکەنی

ئیلام و کووبانی وە یەک جیاوا بین و ......

ئێرەنگە چاومان ها وە دەرگاوە

لفانەیل ئەفسانەی

یەکاۆ بگرن و بان و  باێەقوش وە سەر ستۊن ماڵەگە بتاڕنن.

مه سیحا دەمم!(سووماێ چاوەیلم)

نازار!کێێ تیەیداۆ دڵم ویرد کێێ؟!

دڵم وڕینێێ ڕێەگێ دۊرد کێێ.

کێێ خوەرم ئه‌ڵاێ ،ڕووژم ڕووشن بوو؟!

سینێێ خەمێیلم گوله ئاژن بوو!

ئاجزم وە گیان ، وه‌ دۊری یارم

جوور ئفلیجێگ ڕۊ وە بنارم.

کێێ تیای  شەفام بێی ، مەسیحا دەمم؟!

دەم باری وێنێێ قەن ئه‌ڕا دەمم!

تاگشتێ خەمێیل بێەمە واوا.

وه بوو  هناسد بووسیه‌مه‌ پاوا!

 

                            حەبیب جەلیلیان(سالک)

مزگانی

قیڕەێ قوڕواق تیەێ

وە دەور کیەنیەیل پڕئاو جاران

یانێ مزگانی

وە شوون چەن ساڵ

دی وارێ؟!

واران...

 

 

 

                                    حه بیب جه لیلیان

زاێ ڕووژ خوەر و ڕزگاری

هه خڕ خوەێه دەور خوەێا

چمان ژان گردێەسەێ

زەۊ!

هه خڕ خوەێە  دەور خوەرا

چمان ڕووڵەێه !

خوەێ کەێە  نەزریێ.

 

هه خڕ خوەێە  دەور خوەێا

زەۊ!

جوور ژان کردێ

دی تواێ کی بارێ؟!

تا سەر وەلێمان بشێونێ ؟!

یا گه سەرمان بخەێە  سەرەنجام.

ئا

     زا.....

دی ئرا نیەزاێ؟!

 

هەم نەورز هات

زاێ ڕووژ خوەر و ڕزگاری

هەم جەڕ خوەێ دەێ

داڵگ خوەر و ڕزگاری .

 

                                حەبیب جەلیلیان

دالگ دیل(ئرا  زەۊ لەرەێ شار وان)

سەرەلێ شێویاس!

                         خودا

ڕه‌وان داڵگ نیشتمان

وه کام لەش بدەمنێ؟!

تا  وه بان لەش  ڕووڵەیل "وان"

ڕوو ڕوو بکەێ.

دل و شیشه و آهن

دل

همان به که زجنس

 شیشه

باشد

دل شکسته گی اگرنشان عشق است

بگذار شکستنش

همیشه باشد

آهن

که نشیمن غبار و زنگ است

شاید که چکش،تبر و تیشه باشد.

۲۸/۰۵/۹۰

ح.ا.ج-سالک

درپاسخ سروده ای از ئرمس

دل من

به باد بگو
به مهمانی دلم بیاید
دراگر باز نبود
دل من پراز دریچه است
دل من چشم انتظار خنکای  نسیم مهربانی است.

 

دل من ......

**************

بۊشنە وا

تا بووده مێمان دڵم

بۆغز ئەگەر دەر واز نەکرد

دڵەگەم کوناکوناسه

وه  کولاوانجەوا باێد

دڵەگەم چاوه رێه

تاسریوەێگ باێ و تینێ بشکنێ.

 

                                حەبیب جەلیلیان

خەم مەخوە

یووسف گوم بی دۆجاره  تیه ێدە کەنئان خەم مەخوە

هەم کەلاوەێ ناخوەشی بوودە گوڵستان خەم مەخوە

ئە ێ دڵ ئەر خەمبارە هاڵد هه م خوشی تیه ێده سه رد

ئێ سەر پڕشووره تیه ێدا هه م وە سـامان خەم مەخوە

ئەر وەهار ژین دوواره  چـــــــــاو  وە چیمەن واز بکەێ

چەتر گوڵ کیشیدە سەر ئەێ کەوک ناڵان خەم مەخوە

چەرخ گەردوون ئەر دۆ ڕ‌ووژێگ نامۆراد دڵ بیــــــــــــە

تا ئەبەد لەێوا نیەمینێ هــــــاڵ دەوران خەم مــــەخوە

بێ ئۆمێدا  نەو ئەگەر ئاگا نیــــــــی وه سڕخەێــــــو

ئەر وه پەردە ناتە دەر ڕازەیل پەنهان خـــــــــەم مەخوە

وه بێاوان ئەر وەرەو  مـــــــــاڵ خودا گــــــام ئەڵگری

ئەر دڕگ چز دا وە  گیاندا  فراوان خـــــــــــەم مەخوە

ئەێ دڵ ئەر لافـــــــاو  نابۊتی وه  بن هەستی کەنی

خاوەن کەشتێ گ نووهە دی وه تووفان خــەم مەخوە

هـــــــاڵمان  ئمشەو خراوە ئەر وه  دۊوری یــــــــارمان

بێ خەوەر دۊنی خودا ئەڵێا گەردان خەم مـــــەخوە

ڕێەگە هەرسەێ پڕ وە خەوفە و مەنزڵیش دۊرە وه دەس

هۊوچ ڕێێ نیەۊنی وه بێ ئەنجام و پاێمان خەم مەخوە

"ســــــــالک"ئەر ژارید و  تەنیا و شەو تیەریک و بێ بنە

ئەر خوداوەن  یاردە ، جوور هــــــــــه ژاران خەم مەخوە

 

                          حه بیب جه لیلیان(سالک)

 

 

خه نه خه ن

شێوه ێ شیریند شێعره یلم شه ن که ێ

جوور گوڵباخی  هه ر  خه نه خه ن  که ێ

هه ر که   خه نێد  و  خه ننــــێ  ده مێگ

ڕووژگار  پــــڕ  ده مه گه ێ   قه ن  که ێ

 

                  حه بیب جه لیلیان(سالک)

سووماێ چه وه یلم  (نورچشمانم)

 

ئاسمان تیه ریک ئشاره ێ چه ود 

خوەرنیەتێ وەخەوهەسارەێ چەود

سەرگوڵ هەرچـــێ  بەێت دڵداری

بەێتێ گ بۊوشیەێ لە بارەێ چەود

**********************

پیەناێ دیـــــــــــــمه ند ئاسمانێگە

برۊوەگــــــاند کەش کەشـــــــانێگە

کــــــــی ئاسمانێگ وە دو خوەر دیە

هەر چەوێـــــــگد خوەر مێهرەبانێگە

********************

ســـــــــــوار باڵ تێاره ێ  چـــه ود

باڵ گرم وه یه ێ ئشاره ێ  چه ود

سوک و سه ر خوه ش هامه خێاڵد

تـــــا خوه رهه ڵات دواره ێ چه ود

*************************

پرشه ێ ڕخسارد سووماێ چه وه یلم

ڕووشنایه گه ێ  مـــــانگه شه وه یلم

لێم درێغ  مه که   پرشه ێ ڕخســارد

ده سه یلم بگـــــر  گ وه یل  چه یلم

 

                                  حه بیب جه لیلیان

                                 

هه ڵکه فت(برگردان سه شعر جناب آقای سالم پور احمد به کوردی)

 

"هەڵکەفت"

" 1"
ت نەچید، م وسام

ئەڵگەردیامەو

ت دەوید

م دەویم

بیە واگیژە

ت هەر هاتی

دایم لە یەک

بیدە خەنە.

 "۲"

کار م نه ۊ


ئه وه ڵ ئه ۊ هه ڵگه ردیاوه


م هه نوورستمه پێ


چه و گ پرتان


که فتمه و خوار


کاراگا! کار م نه ۊ


م هه ر ڕه نگ له رۊوم په ڕی


پاێ خوه ێ له ژێرێ ده رچێ!

 

"۳"

وەت: ئەنۊو ئشق؟!

تا وەتم : ئەڵفڕی، چێ!

بیە خەر

قوڕ ێم وە قەوچگ داوڕی

بیە سەگ

قوڕ ێم دڕی.

 

اصل شعرهای استاد پوراحمد چنین است:

اتفاق ۱ 

نرفتی ، ایستادم

برگشتم

        دویدی    

              دویدم

باد پیچید ، نپیچیدی

به تو اصابت کردم

                      خندیدی

 

اتفاق ۲

 

کارمن نبود

 

اول او برگشت

 

من فقط نگاه کردم

 

پلک که زد

 

            پرت شدم پایین

 

کارآگاه ! کارمن نبود

 

من فقط سرخ شدم

 

او خودش سُرخورد

 

اتفاق ۳

 

گفت : عشق

 

گفتم : پر ید

 

خرشد و

 

           خرخره ام را گرفت

 

سگ شد و

 

            حنجره ام را در ید

 

ترانه ها و شاعرانه ها

ڕچگیاسە وە یەک

 

ترجمه ای از شعر  بختیاری" ڕچسە وە یەک" استاد رهدار 

 

وە  ئێرە  گەلۊ  بەڵاڵم  ڕچگـــــیاسە  وە یەک

بڵووزەێ   گاڵە گاڵم    ڕچگـــــیاسە   وە یەک

وە   ئێرە  نیەتۊەنم  بەێت کۊەکەنین  بۊوشم

له ئەوسا  ک دەفتەر خێاڵم   ڕچگیاسە  وەیەک

ئشکیاس  لق  کونارم  وە بــــەرد پەڕان  شەو

کوڵه با ڕچگیاسەو  هەواڵم  ڕچگیاسە وە یەک

نیشتنە سه قوڕ ئاسارەیله گه ێ سس بەخت

خوەر  هه ڵاتن  مەجاڵم   ڕچگــــیاسە  وە یەک

‌‌‌وە تەیــنا  گیان  ده م   وە   ئشــارەێ  کلگێگ

دی  ئاگر  کوانێ  ماڵم   ڕچگـــــیاسە  وەیەک

داڵـــــگە   ئەڵس  له  خــــاو ، پەلد  ئڕام  بووڕ

شیپەگەێ  بوور  کەژاڵم   ڕچگــــیاسە  وەیەک

ڕمـــــــــیاسە ئاسمان  له بێ پەڕوباڵی مەل

باڵندەێ   هەردۆ باڵم ڕچگـــــــــیاسە  وەیەک

 ناڵەێگ  تەڕ  نەکرد  لێو  هۆشک  ئاشقــــێگ

بەڵاڵ سەوز  چەو  کاڵم  ڕچگـــــــیاسەوەیەک

شەنکەر (بێداد) خەرمان هاوارێگ شەن نەکرد

هێڵ  نەرم  شێعڕ كاڵم  ڕچگـــــیاسە  وەیەک

چم ک چارەێگ بکەم، هەتاو بکیشم  وە کووڵ

هەر چەن ک دی شوور وهاڵم ڕچگیاسەوەیەک.

 

    حه بیب جه لیلیان

لینک ئی شیعره له سایت شه فه ق

اصل شعر استاد رهدار این است

ویچو    گِلیا  بَلالُم      رِچِهسه   وَه یک

بلازه ی   گالِ گالُم    رچهسه    وه یک

ویچو  نَتَرُم    بیتِ    کُه کَنی       بِگُهُم

زاُوسوکه دفتر خیالُم  رچهسه وه یک

اِشکهس لِشکِ کُنارُم وه بَردپِرون شَو

کُهباد رچهسه و هوالم رچهسه وه یک

وسته به گِل  آساره های سئستِ بخت

اَفتوزنونِ   مجالم     رچهسه      وه یک

تهنا   بِنُم جون    به کِلوسِ    اشاره ای

دی تش چاله ی  مالُم  رچهسه وه یک

ای دا    وَری   ز خاو ، پلاته سیم  بُرآی

شِهنِشت  بُورِ چالُم ،   رچهسه  وه یک

رُهمِست آسمون ز  بی فرناکی پَر  ی

باهنده ی  هر دو بالُم  رچهسه وه یک

تَرناله ای نکِرد      لَوِ هُشک ِ  هاشقی

بلالِ  سوز ِ   تی کالُم   رچهسه وه یک

جِنگِر بیداد  صدایی ، خرمنی نزیده باد

هیل نرم  شعر بِکالُم   رچهسه  وه یک

 چُم چاره ای کنُم افتونه  کَشُم به کول

هرچند دیه شور و حالُم رچهسه وه یک

 وبلاگ بنه وار استاد رهدار

بیداد و بلال:دو نوع موسیقی بختیاری

 

ملوانک مرواری




ملوانک مرواری

جینی دۊه‌ت 5 ساڵان زیره‌ک و ڕه‌نگینێگ بی........
یه‌ێ ڕووژ وه‌ گه‌رد داڵگێا چێە بازاڕ ،چه‌وێ که‌فته ‌ملوانک مرواری ئاڵشتیێگ ،گ قیمه‌تێ 10 دۆلار بی.فره‌ خوه‌شێ وە ئه‌و ملوانکه‌ هات ، وە داڵگێ تواس گ ئڕاێ بسێنێده‌ێ.
داڵگێ وه‌ت:"ملوانک ڕه‌نگینێگه‌،وه‌ڵی خوو قیمه‌تیشێ فره‌س.چه‌ وە ده‌سمان تیەێ!
 م ئێ ملوانکه‌ ئڕاد سێنم وه‌ مه‌رجێ گ هه‌گ چیمنه‌ ماڵ ،پێرستێگ وە کاره‌یلێ گ تۊه‌نی ئه‌نجام به‌ی ده‌مه‌ پێد ، وه‌ ئه‌نجام ئه‌و کاره‌یله‌ تۊه‌نی پۊل ملوانکه‌گه‌د کوو بکه‌ی ئه‌ڵبه‌ت داپیره‌ (کڵانت) یش ئڕا جه‌شن زاین رووژد چه‌ن دۆلارێگ خه‌لات ده‌ێده‌ پێد، ئه‌وه‌یشه‌ تۊه‌نێ مێه‌تد به‌ێ."
ئێ پێشنێاره‌ وه‌ دڵ جینی بی .......
گشت ڕووژێ ئه‌و کاره‌یله‌ گ گردۊه‌ مل وه‌ پشتکارفرەێگا ئه‌نجام دیا. دڵنێایش بی گ داپیره‌ێ ئڕا زاین ڕووژێ پۊلێگ وه‌ خڵات ده‌ێدە پێ. 
فره‌ وه‌ پێ نه‌چێ گ جینی پۊل ملوانکه‌گه‌ کوو کرد و سه‌نه‌ێ.
چۊنه‌ دووس ملوانکه‌گه‌ێ داشت ،گ وە گشت جاێگ خستیاده‌ێ مل ،  وه‌خت خه‌فتنیش وە مل ده‌رێ نیاوردیا. 
ّّّهه  وه‌خت هه‌مام کردن دراوردیاده‌ێ  ، ئه‌وه‌یش ئڕا یه‌ بی گ  داڵگێ وه‌ پێ وه‌تۊ هاتێ ڕه‌نگه‌گه‌ێ خراو بوو!
 
باوگ جینی فره‌ دووس دۊه‌ته‌ێ داشت. هه‌رشه‌و  وه‌خت خه‌فتن نیشتیاده‌ لاێ جیه‌گه‌ێ جینی و  مه‌ته‌ڵ دڵخوازێ ئڕاێ وه‌تیا.
یه‌ێ شه‌و وە شوون تمام بین مه‌ته‌ڵه‌گه‌ ، باوگ جینی  وه‌تە پێ:
جینی ت دووس م دری؟
جینی وه‌ت: ئه‌ڵبه‌ت باوگه‌. خوه‌د زانید گ ئاشقدم.
- خوو ئه‌و ملوانک مرواریه‌ بێه‌ پێم.
-نه‌  باوگه‌ ! ئه‌وه‌ نه . وه‌ڵی خوو تۊه‌نم ئه‌و وه‌یلکانه‌ گ پاره‌که‌ وە جه‌شن زاین ڕووژم ئڕام سه‌نیده‌ و فره‌یش دووسێ درم ،  بێه‌مەێ پێد.‌ دڵده‌ باوگه‌.
- ئه‌ێم نه‌ێرێ. ئه‌وه‌یشه‌ خاسه‌.
باوگ جینی ماچی کرد و ده‌سێگ کیشا مل سه‌رێا و  وه‌تە پێ :  شه‌ودە خه‌ێر نازارەگەم .
هه‌فته‌ێ تر باوگ جینی وە شوون وه‌تن مه‌ته‌ڵ وەلێ پرسی:
-جینی!دووسم دری؟!
- ئا باوگه‌ دووسد درم.خوه‌د زانی گ ئاشقدم.
- خوو ئه‌و ملوانک مرواریه‌ بێه‌ پێم!!!!
 
-  نه‌ باوگه‌، ملوانکه‌گه‌م نه‌، وه‌ڵێ تۊه‌نم  ئه‌سپه‌ کوڵه‌ ره‌نگینه‌گه‌م گ له‌ش نه‌رمێگ دێرێ، بێه‌مه‌ پێد  تا بوه‌یده‌ێ له‌وه‌ڕ وە ناوباخه‌گه‌وا بگه‌ردنیده‌ێ . خاس باوگه‌؟!
- خاس ڕووڵه‌ .ئه‌ێم نه‌ێرێ.
هه‌م باوگێ ماچێ کرد و وه‌ت: "خودا وه‌ دیار سه‌ردا بوو دۊه‌ته‌ ڕه‌نگینه‌گه‌م. خه‌وه‌یل خوه‌ش خوه‌ش بۊنی".
چه‌ن ڕووژێگ دۊاێ ئه‌وه‌ باوگ جینی هات مه‌ته‌ڵ ئڕا جینی بۊوشێ ، چه‌وێ که‌فتە جینی گ وە بان ته‌ختەگه‌ نیشتۊ و لچێ له‌رزیاد.
جینی وه‌ت: "باوگه‌ به‌وه‌ ئێره‌" ، ده‌سێ وه‌ره‌و باوگێ دریژا کرد . مشتێ گ واز کرد ملوانک مرواریه‌گه‌ وە ناوێ بی ، ناره‌ێ ناو ده‌س باوگێ.
باوگ جینی وه‌ یه‌ێ ده‌س ملوانک ئاڵشتیه‌گه‌ گردۊ  و   وه‌ ده‌س ترێ    قوتی مه‌خمه‌ڵ که‌وێگ  ڕه‌نگینێگ وە گیرفانێ دراورد . ملوانک مرواری ڕه‌نگین ڕاسگانیێگ  وە ناو قوتییەگە بی!!! باوگ جینی ئێ هه‌مگه‌ وه‌خته‌ ئه‌ڵگردۊه‌ێ ، و چه‌وه‌ڕێ بی تا هه‌گ جینی دله‌ ئەو ملوانک به‌ده‌ڵیه‌  نا ، ئه‌وسا ئێ ملوانک مرواری ڕاسگانی ڕه‌نگینه‌ وه‌ خڵات به‌ێده‌ پێ.....
"وه‌ ڕاسی یه‌ هه‌ر ئه‌و کاره‌سه‌ گ خودا وه‌ گه‌رد ئیمه‌وا که‌ێ!
خودا چه‌وه‌ڕێ مینێ تا ئیمه‌ وە  چشته‌یل بێ ئه‌رزشت  زنه‌یمان دڵ بنه‌یمن ، تا خوه‌ێ گه‌نجە ڕاسگانیه‌گه‌ێ به‌ێده‌ پێمان"
 
ئه‌ڵگه‌ردانن وه‌ کوردی
حه‌بیب جه‌لیلیان

 

 

به‌نی ئاێه‌م(ترجمه شعر سعدی شیرازی به کوردی)

 

بنی آدم اعضای یک پیکرند

به‌نی ئاێه‌م په‌له‌یل په‌ێکه‌رێگن

گ له‌ ئافه‌رینشت له‌ گه‌وهه‌رێگن

 په‌لێگ ئه‌رنیشته‌ ژان له‌ جه‌ور ڕووژگار

 په‌له‌یل تر‌ ئڕاێ گشت بوونه‌ بێ قرار

ئه‌و که‌سه‌ له‌ ڕه‌نج ئاێه‌مه‌یل بێ خه‌مه‌

نه‌شاسه‌ گ  بویشی  له‌  هووز  ئاێه‌مه‌

 

 هه‌ڵگه‌رداندن وه‌ کوردی(حه‌بیب جه‌لیلیان)

۸۹/۰۸/۰۶

 

بنی آدم اعضای یک پیکرند

که در آفرینش زیک گوهرند

چوعضوی به درد آورد روزگار

دگرعضوها را نماند قرار

تو که از محنت دیگران بی غمی

نشاید که نامت نهند آدمی.

                       " شیخ سعدی شیرازی"

 

گوناێ داوڵه‌ یا مه‌لویچگ(گناه مترسک است یا گنجشک)

ئێ هه‌مگه‌ مه‌له‌وه‌ر نازار وە ورسی ڕیقا بردێه‌!

داوڵوه‌ یه‌ێ سه‌ره‌.

داوڵ ده‌س و پا په‌ڕوین

مه‌رده‌زماێ درووکانی

-گ وه‌چگه‌ مه‌لویچگێگ هووکاره‌ێ سه‌رێ بیه‌، ڕیتگ که‌ێده‌ بان شانێ -

پڕ ڕوی مه‌له‌وه‌ره‌یل گوڵاو و شه‌کراو بوودن،وە ترس یه‌کا گردن مه‌له‌وه‌ره‌یل خراو کردێه‌ شوون خوه‌ێ،هن یه‌سه‌ جۊله‌ نیه‌که‌ێ .

ئێ داوڵ کوور و که‌ڕه‌ وه‌ یه‌ێ سه‌ره‌.

جیک هڕ مه‌لۊچگه‌یل ورسێ تیه‌ێ

دانۊکه‌یش ها ده‌ور داوڵ

مه‌لۊچگه‌یل توان بخوه‌ن،وه‌ڵێ نیه‌ویرن بانه‌ خوار

یه‌ گوناێ هووز داوڵه‌؟!

یاگه‌ خود مه‌لۊچگه‌یل و ترسێان!

 

 لینک ئی شێعره‌  وە سایت شه‌فه‌ق

                     حه‌بیب جه‌لیلیان(سالک)

                      ۸۹/۰۸/۰۱خوه‌ری

                     ۲۰۱۰/۱۰/۲۳ زاینی

این همه پرنده ی زیبای از گرسنگی نیمه جان شده

به یک طرف!

مترسک دست وپا پارچه ای

هیولای دروغین

- که  جوجه گنجشکی به سرش شیر  شده و روی شانه هایش فضله می کند-

گلاب به روی پرنده ها از ترس هم آوایی شان خودش را خراب کرده و به خاطر همین بی حرکت شده.

این مترسک کور و کر به یک طرف.

سر و صدای گنجشک های گرسنه می آید.

دانه در اطراف متر سک است .

گنجشکها می خواهند از آن بخورند اما جرات پایین آمدن ندارند.

این گناه مترسک است ؟!

یا که خود گنجشکها و ترسشان.

خه‌ڵاتێگ ئڕا داڵگ

خه‌ڵاتێگ ئڕا داڵگ


ئەڵگه‌ردانن وه‌ کوردی
حه‌بیب جه‌لیلیان




چواربرا بین وه‌ ناوه یل میلتوون و مایک و ماروین و ملوێن. ئێ چوار برا وه  بوونه‌ێ ده‌رس خوه‌نینا ماڵ هیشتنه‌ جی و چێن بینه‌‌پزێشک  و ئه‌ندازێار و دادوه‌ر و...... چه‌ ئڕادان بۊشم  بینه‌ ئاێمه‌یل سه‌رکه‌فتێ ێگ

وە شوون چـــه‌ن ساڵ یه‌ێ شه‌و وە شوون یە گ چاشتێ  وه‌یه‌کا کردن ، ده‌س کـــردنه‌ گه‌پ داین و باسێان که‌فته‌ بان خڵاته‌یلێ گ هه‌ر کام وە ئه‌و چوار برا دانه‌سه‌ داڵگێان گْ وە شار ترگ دۊر وە کوڕه‌یلێ زنه‌ی بردیادە سه‌ر.
یه‌کێ وەلێان وه‌ت:  مْ ماڵ گه‌وراێگ ئڕا داڵگم سازیمه‌.
ئه‌واکه‌ وه‌ت : مْْ ته‌ماشاخانه‌ێگ ئڕاێ وە ناو ماڵه‌گه‌ێ دۆرس کردمه‌.
سێمینه‌ وه‌ت:  مْ ماشین بنز گران قیمه‌تێگ ئڕاێ سه‌نمه‌و ئڕاێ شفووڕێگیش گردمه‌ تا بچووده‌ گەیشت و گوزار.
دۊاینه‌ وه‌ت: گووش بته‌کنن ،گشتدان زانین گْ داڵگمان چه‌نێ هه‌ز وە خوه‌نین کــتاوپیرووز ئنجیل درێ .زانینیش گْ نیــــــه‌تۊه‌نێ وه‌ خاتر نابۊنایێ خوه‌ێ بخوه‌نێده‌ێ. ڕاهبێگ وه‌ پێم وه‌ت ، گ تۊتیێگ  هه‌س  گْ تۊه‌نێ گشتێ ئنجیل وە سینه‌ بخوه‌نێ.... ئێ تۊتیه‌ وه‌ دریژه‌ێ دوانزه‌ ساڵ وه‌ ده‌س بیس ڕاهب په‌روه‌رده‌ بیه‌. م وه‌گه‌رد کلیساوا  په‌ێمان به‌سامه‌ تا بیس ساڵ ،ساڵێ  سه‌دهزار دۆلار بێه‌مه‌ پێان. داڵگه‌ باێسه‌ هــــه‌ر ناو فه‌سڵ و ئایه‌یله‌گه‌ بۊشێ . ئمجا تۊتیه‌گه‌ وە  سینه‌ ئڕاێ خوه‌نێده‌ێ . ئەو برایلەگەێ بزۊزگە نیشتە گیانێان.
  وە
شوون ڕووژه‌یل تەتیلی داڵگێان نامـــــه‌ێ سپاسێگ ئڕاێان کل کرد.
  وە ناو
نامه‌گه‌ نۊوساۊ:
میلتوون نازار، ماڵێ گْ ئڕام سازیده‌ فره‌ کەڵێنە . م هه ‌له‌ ناو دیم ێگ
(
وتاقێگ) ئەو ماڵه‌ زنه‌ی که‌م ،وه‌ڵێ مه‌ژبوورم ته‌میسی گشتێ ماڵه‌گه‌ بکه‌م. وه‌ڵێ خوو ده‌سد وە دنیا .
مایکْ نازار ،تماشاخانه‌ێ گران قیمه‌تێگ ئڕام درس کردیده‌  گْ جی  په‌نجا نه‌فه‌ره‌ ناوێا بوو .وه‌ڵی خوو  م گشتێ دووس و هاوڕێه‌یلم وە به‌ێن چێنه‌. خوه‌میش خاس نیه‌شنه‌وم . دی تماشاخانه‌ وه‌کارم نیه‌تیه‌ێ . وه‌لی خوو ده‌سدیش ده‌رد نه‌که‌ێ.
ماروین نازار، م دی فره‌ پیرم، گەیشت و گوزار وەلێم گوزه‌یشتێه‌.دکان به‌قاڵیێگیش درم باێسه‌ هه‌ر وە ماڵ بمینیەم. ماشینه‌گه‌یش فره‌ تن وە جی ئەڵکه‌نیه‌ێد وه‌ کار من پیره‌ژننیه‌تیه‌ێد . وه‌لی سپاسد که‌م.
ملوێن نازارم! تْ ته‌نیا کوڕێگ بید گ وه‌ ئه‌و خـــــــه‌ڵات بۊوچگدا فره‌ خوه‌شاڵما کردی.جۊوجگه‌گه‌د فره‌خوه‌ش تام بی، هه‌ر بژیه‌ید.

 

 ************************

 

په‌روه‌رده‌=(آموزش دیده)

ئه‌ندازێار=(مهندس)

دادوه‌ر(قاضی) 

سه‌رکه‌فتێ=(موفق)

تێارت=(تئاتر)

تۊتی = (طوطی)

وه‌ سینه‌=(حفظی-از بر)

دیم=( اتاق)


 

 

په‌خشان کوردی کرماشانی

وه‌ ئمێد خودا ده‌س وه‌ کارێگ دامه‌ ک وه‌ باوه‌ڕ خوه‌م خزمه‌ت گرنگێگه‌ وه‌ فه‌رهه‌نگ و زوان کوردی کرماشانی وه‌ تایبه‌ت زەنگنەی ک زوان ئێڵ و تەبار  خوه‌مه‌. ئه‌ وه‌یشه‌ ئه‌ڵگه‌رداندن مه‌ته‌ڵه‌یل وە زوان فارسی وه‌ کوردیه که ئمێده‌وارم وه‌ نه‌زه‌ره‌یل دڵسووزانه‌دان مێه‌تم بێه‌ین تا په‌ڕه‌ بێه‌یمن وه‌ په‌خشان(نثر) کوردی کرماشانی.یه‌کمین کارم وه‌ێ زه‌مینه‌ وه‌ ناو (دۊه‌ت و کوڕ) پێشکه‌ش که‌م.‌

 

---------------------------------------------------------------------------------------------------------------

دۊه‌ت و كوڕ

يه‌ێ ڕووژ دۊوه‌ت و كوڕ جوانێگ وە ناو پارك نيشتۊنه‌ بان سه‌نده‌ليێگ وە لاێ يه‌ك و دەرباره‌ێ ئايەنده‌ێان وه‌ گه‌رد يه‌كا قسه‌ كرديان.

کەمێ دۊورتر وە ئه‌وانيش كه‌ێوانوو و ڕيچه‌رمێێگ نيشتۊونه‌ بان سه‌نده‌ليێگ و ڕيچه‌رمێه‌ وه‌ شێوه‌ێ ئاشقانه‌ێگا سه‌رێ ناويده‌ بان شان كه‌ێوانووه‌گه‌.
 

دۊوه‌ته‌ وه‌ر كرده‌ كوڕه‌ و وه‌ت: خوداڵانه‌گه‌ ، بنووڕه‌ ئه‌و كه‌ێوانوو ڕيچه‌رمێه‌ بزان چۊ خوه‌شه‌وێستانه‌ نيشتنه‌سه‌ لاێ يه‌كا !بزان ڕيچه‌رمێه‌ چۊ سه‌رێ ناسه‌ بان شان كه‌ێوانووه‌گه‌ێا.وه‌ گومانم كه‌ێوانووه‌گه‌ دێرێ مه‌ته‌ڵ ئاشقانه‌ێگ ئڕا ڕيچه‌رمێه‌گه‌ێ ئۊشێد و ئه‌ويش چه‌نێ ڕه‌نگين گووش ته‌كنێ!

 
هه‌میش دۊه‌ته‌ وه‌ر كرده‌ كوڕه‌ و وه‌ت:تۆ ئۊشی زنه‌ی ئيمه‌ ئه‌وقه‌ره‌ تۊل كيشێد و ئه‌گه‌ريش تۊل كيشا ئێ جووره‌ خوه‌شه‌ويستانه‌ بوود؟! گ 30-40 ساڵ ترگ ئه‌گه‌ر من و   ت هاتيمنه‌ ناو پارك ت سه‌ر بنه‌يده‌ بان شان من و ، منيش گەپ ئشقمان ئڕاد بێەم. 

كوڕه‌ وه‌ تنێگه‌و وه‌ت:ئا ئا ،هه‌تمه‌ن!م دڵنێام گ ئيمه‌ وە ئه‌و دوانه‌يشه‌ فێشتر ئاشق مێنيم.

وە ئه‌ولا تريش ڕيچه‌رمێه‌گه‌ سه‌ر ناۊه‌ بان شان كه‌ێوانووه‌گه‌ و گورگه‌ خه‌و کردیا.
 
كه‌يوانووه‌گه‌ وه‌ قه‌ێزێگا وه‌ت:كه‌پووڵد وە بان شانم لاوه‌ خه‌ڕه‌مه‌! كه‌م فسه‌فس كه‌يد ،ئێ كه‌پووڵ قه‌ۊديشه‌ خسيده‌سه‌ بان شان م! هه‌ڵس وە ئه‌و كوڕه‌ ياد بگر چۊ ده‌س خسێه‌سه‌ مل دۊه‌ته‌ و مەێبه‌ت وه‌ پێ كه‌ێ.وه‌لێ من چاره‌ سيه‌ ئمرێگه‌ ته‌هه‌مۆڵد كه‌م و وە گشتێ زنه‌يميش بێجگه‌ ئێ خوڕه‌خوڕ كردن و ئارووق داێنه‌يلده‌ دي هۊچ وه‌لێد نه‌يمه‌.ئه‌ڵس وه‌ جي ئێ خوڕه‌ خوڕ كردنه‌.
 
 
ڕيچه‌رمێه‌گه‌ كه‌مێگ له‌ش خوه‌ێ خوران و  باڵ چه‌و هێز دا و وه‌ت:هه‌!چه‌وه‌تي؟!وە ویردا چێه‌ ئه‌وسا وه‌هزار فێڵ فه‌ن خه‌ره‌گه‌ێ باوگم دزيام و هاتيام نيامه‌ده‌كووڵێ وبرديامه‌د ئرا ناو باخه‌گه‌مان.
 
 

كه‌ێوانووه‌ وه‌ت:ئه‌وه‌يشه‌وه‌خاترخوه‌دبی،م برديای ئڕاكه‌ێف خوه‌د.

ئێره‌نگە ئه‌ر كوڕ خاسێگي چۊ  ئه‌وانه‌ ڕه‌فتار بكه‌،ده‌سد بخه‌ مل م.
 

ڕيچه‌رمێ‌ سه‌رێ وە بان شان كه‌ێوانووه‌گه‌ێ جيواز كرد و  وه‌ت:كوره‌ وڵمان كه‌ بيلا بخه‌فيم!ئێره‌نگه‌ دی نه‌ ده‌س م  ده‌سه‌ ونەیش‌ مل  تۆ مل!

 

                                  ئەڵگەردانن وە کوردی

                                                  حه‌بیب جه‌لیلیان -  ۱۴/۰۶/۸۹

 

--------------------------------------------------------------------------------------------

پەخشان : نثر

دەرمان

ئەو چەتره بوەس چەتر خوەد واڵ که

وەێ    هــــڕ بیڤه   زڵفد   شڵاڵ    که

دۊری   هناسد  گیانەوڵـــــــــــــگم کرد

دەرمــانم   وه    ئەو   دەنگ  زڵاڵ که

 

                                 حەبیب جەلیلیان(سالک)

 

چەتر=چتر-زلف

واڵ=باز-پهن

هــــڕ بیڤ=باد و توفان

هناس=نفس

گیانەوڵـــــــــــــگ=جان به سر

دەنگ=صدا-آواز

چه‌وه‌یل خوه‌د

"ته‌شه‌ێ تماشاد" گیانم گرته‌ وه‌ر

ناخوه‌شیه‌یلم  گشت کرده‌ خه‌وه‌ر

ساڕێژم هه‌ر ها  لاێ چه‌وه‌یل خوه‌د

وه ‌تماشاێگ تر بکه‌ره‌مەسه‌ر.

                    

                           حه‌بیب جه‌لیلیان(سالک)

                           ۱۳۸۹/۰۵/۱۷ ک.خ

                       ئی شیعره له سایت شه فه ق

یکی از دوستان ارجمند(مدیر وبلاگ ارزشمند واتوره)پیشنهاد کرده بود که ترجمه ی فارسی این دوبیتی را کنارش بنویسم که من  دوبیت فارسی سرودم که امیدوارم مورد نقد دوستان قرار گیرد.از  ماشای عزیز هم به خاطر پیشنهادش سپاسگزارم.

 نگاه تو

صاعقه ی  نگاهت  در بر  گرفته  جانم

ببین چه کرده ای تو  با  مغز  استخوانم

دردی که از تو باشد بهتر زهر چه درمان

جز اینکه بنگری باز ٬ تا  باز  هم  بمانم

                                ح.ا.ج-سالک

                                ۱۳۸۹/۰۵/۱۹ 

 

هەناسەیلەگەم

 

 

 

         هەناسەیلەگەم

            پا نەن وه بان سەر یەکا

            تا بچنه بان

            هەناسەیل م 

            تا ئێره

               خوەر نەینه.

 

                           حەبیب جەلیلیان (سالک)

           

            " نفس هایم

               پا بر سر و دوش هم می گذارند

                به تقلای صعود

                نفس هایم

                تاکنون

                خورشید ندیده اند"

                                            ح.ا.ج-سالک

               

خوەر نازار

  

 

ئی شێعره وە مەجەلەێ گوڵ سوو ژماره‌ێ ۷۲ بڵاو کریاێه‌.    

 

خوه‌ر وە  وڵات ئیمه‌ نه‌!                خورشید در ولایت  ما نه!

وە وڵاته‌یل تر مه‌گه‌ر ئاوا بوودن       در ولایتهای دیگر مگر غروب کند. 

ئیمه‌                                      ما

هێمانێ خوه‌ر ها ویرمان            هنوز خورشید را به یاد داریم

ویرمانیش ها وه‌ره‌و خوه‌ره‌ڵات    و رویمان به مشرق است

ئیمه‌ خوه‌رئاوا باوه‌ڕ نیه‌که‌یمن.       ما غروب را باور نمی کنیم.

 

*********************

فره‌وه‌خته‌  گ  خـوه‌ر وە خوه‌ره‌ڵات   دیرزمانی است که خورشید بساط خود 
ماڵئاوای کردێه‌و جه‌م کـردێه‌به‌سات    جمع کرده و با مشرق خدا حافظی کرده.
فره‌وه‌خته‌ گ شه‌مشه‌مه‌  کـووره‌ک  دیر زمانی است که خفاش و جغد باهم
وه‌گەرد قوشە  ده‌س دانه‌ســه‌ یه‌ک  هم داستان شده اند.
گوڵ  بره‌فتاو   سه‌روە لێ  شێویاس   گل آفتابگردان سرگردان شده و مسیر
نیه‌زانێ ڕه‌وه‌ن خوه‌ر ها  وە کام ڕاس   خورشید را نمی داند.
جقیڕه‌    نێاس   کشت  و   کاڵـمان   بذرهایمان جوانه نزده اند و میهمان به
دی   مێمان  نیه‌تیەێ  وه‌ره‌و  ماڵــمان   خانه مان نمی آید
ده‌نگ جیکه‌ جیک مه‌لۊچگ نیـــه تیەێ   صدای جیک جیک گنجشک نمی آید
‌دی وە بووسانه‌یل  بووتــه‌رچگ نیه‌تیەێ   و از جالیز بوی میوه ی نوبر نمی آید
خوه‌ر  گ دی  نیه‌  شه‌وە وه‌ زووره‌    در نبود خورشید شبح پرزور است و از 
 دی گەپ ڕووژ داین دروو   نـاپووڕه‌   روشنی گفتن دروغی باورنکردنی است
مــەئوا   گردێه‌  خوه‌ر   وە   خوه‌ر  ئاوا   خورشید در مغرب ماءوا گرفته و انگار
چمان  دی   نیـــه‌تواێ   باێده‌  دۊاوا   خیال بازگشت ندارد
ئـه‌و خوه‌ره‌  گ  گشت  وه‌تیان نازاره‌!    آن خورشیدی که نازنین همه ما بود 
ئڕا چـه‌ تووریاس  وه‌ێ  له‌نجه‌و لاره‌؟   چرا چنین قهر کرده است
ڕووژگار وە شوونێ  وه‌ زقـــــوم  بیه روزگار همه را سرد وتاریک نموده که
چه‌و چه‌و نیه‌ۊنێد و ڕێێ ماڵ گوم بیه‌ همدیگر و راه خانه را نیز گم کرده ایم
که‌سێ  نۊن  وە  ئه‌و نازاره‌ نه‌ێـرێ؟!   کسی از آن نازنین خبریندارد؟!
هه‌گ باێدا گست  ماڵ  کـه‌یم  وه‌ نه‌ێرێ    اگر برگردد دارایی مان را فدایش می کنیم
ئڕاچه‌ هۊچ که‌س هه‌واڵ نیه‌ێده‌ده‌س   چرا کسی خبری به ما نمیدهد
که‌سێ  نیه‌درارێ  ئیمــه‌ وە قه‌فه‌س   وکسی ما را ازاین قفس درنمی آورد

***********************
خـــــوه‌ر    نازار     مه‌ردم       ئیمه‌   بدانید که خورشید نازنین مردم ما 
ئه‌گه‌ر   نیه‌زانین    فره‌    نه‌جیــــمه‌   خیلی نجیب است
گومـــــان نیه‌که‌م دڵ وە لێمان بنه‌ێ   گمان نمی کنم که ازما دل بکند
وه‌ێ   ئاسانیه‌    ته‌رکـــــمان  بکه‌ێ   و به این آسانی ترکمان کند
مه‌ر  پاوێنگ  قورســــێگ   له‌ پاێ بۊ   مگر پابند سنگینی به پایش بوده باشد
بن  سیه‌چاڵ  دۊرێگ  وه‌ جـــــاێ بۊ    ودر ته سیاهچالی گرفتار شده باشد
چۊنه‌  چـــه‌وه‌ڕێ  ئیمـــه‌    هیشتێه‌   که چنین چشم به راه و زانو در بغل 
ده‌س  وه‌زرانی  وەێ   دام    ڕێه‌    ما را گرفتار جاده گذاشته است.

*******************


چه‌ومان   وه‌ده‌م   خوه‌ش    مزگانێگه‌    چشممان به دهان یک خوش خبر است
مزگانی   ئه‌گــــه‌ر    بتواێ    گیانێگه‌    جان را به مژدگانی به کسی می دهیم
بۊشێ گووش شه‌و که‌ڕو چه‌وێ کوور که بگویدبه کری گوش وکوری چشم شب خوه‌ر نازاره‌گه‌  تیه‌ێدا  وە  ڕێێ دوور.  خورشید نازنین از راه دور بازمی گردد

                            حه‌بیب جه‌لیلیان(سالک)
                           14/01/1389 ک.خ

 

نەورووزانه

 newrozane

ئی شێعره وە مەجەلەێ گوڵ سوو ژماره‌ێ ۶۴ بڵاو کریاێه‌.    

 

                                                     

وه سالک چەکەی دڵدارەیل هـــــــاتن

بڕبڕ چۊ مانگ  و  چـــــــــۊ  خوەر ئڵاتن

بخوەن  شێعرەیلد  ٬  شێعر شـــــادین

شریــــنن٬   وێنەێ   نقڵ   و   نەواتن

****************************

وهار  هاتێە و   پەێک   شــــــــادیه

درەوشێ  وە  گـــوڵ  دەیشت  و بادیه

شاقه شاقْ کەوک وە  کەش  و کـــــۊه

جەشــن   ساڵ  نـــــــوو  وە  ئابادیه

******************************

سەرما وە سەر چێ ، چیمەن هاته باخ

هه ڵاڵه سەوز کرد  وێنەێ  شەوچراخ

سێره ٬ پاساری ٬ بڵبــــــڵ ٬ کەموتـەر

وه‌خوه‌شڵه‌خوه‌شی خـوه‌نن وە سه‌رشاخ

******************************

مــــەردم بانه دەیشت عەێد نەورووزه

جەشن  باســــتانی ٬  مـــانگ  پیرووزه

دڵنگ نوو بکەن  خوەشڕەنگ و تـــەنک

دەورەێ  تمام بی ئەو سەرما و  سووزه

*****************************

ســـــــــه‌ر    بێه‌ن  وه‌یه‌ک  کردار  نێکه‌
 
گووش  بێه‌ن  وه ‌ ئێ  گوفتــــــــار  نێکه

جیـــــــــگه‌ێ  مێهره‌بان  باخ    بهه‌یشته

پاێه‌ێ  نێکه‌یل  گشت  پنــــــــدار  نێکه‌‌

****************************

وەۊەیل  و  زاوایل  وە وهار شــــــادەن

گْ فەسڵ  وەفـا  وه  پەێمان  و وادەن

سالک هەر چــــــڕێ  وه  دەنگ بەرزا

 مەردم! شادبوون و خەمەیل وه بادەن

 

 

                             حه‌بیب جه‌لیلیان (سالک)

                               نه ورووز ۱۳۷۸ ک.خ
                                  وەرەبەڕْ هلێران

                         

  نور معرفت

 

         تو را ای  جان  جان آگـــاه

                               همیشه  دست حق همراه

         مـــدد   جو    ز   آفریننده

                               که  بردارد   ز راهـــت  چاه

        هدف گـــر روشنی باشد

                                روا  کی  باشد ت    اکراه

        چو راهت راه عرفان است

                                 تو  را   مقصد  بود    الله

        برایـــــت   آرزو     دارم

                                   که بی مانع روی در راه

         چو دارد معرفت   سالک

                                   بود  تابنده تر   از  ماه

 

                                   ح.ا.ج- سالک

                                      ۸۷/۵/۹

         

موج غم

  

        دلم با موج غم شد همدم امشب

                            گرفته  بهر  مولا  ماتم  امشب

     که  یک تن بود وبا عالم برابر

                         و عالم گشته از عالم کم امشب

                                                                                                                      ح.ا.ج-سالک

                               با راهنمایی استاد حمید سبزواری

 

                          

غم ناگفته

 

               نمی دانم   چرا ؟!    آشفته ام  من
         اسیر    یک   غم   نا گفته ام   من
         به  سان رفتگر ٬ کوچه  به   کوچه
         زده سر ٬ غم ز مردم روفته ام من

                                                              ح.ا.ج-سالک

ڕۊ ڕاسی

وەت : مینەێ چەکەی


وەتم : ڕۊ ڕاسی


وەت : مینەێ نەکه


زۊ وەێرە بار کرد


وە دەس دۆڕۊ  و دەقەڵ


فرار کرد


دڵ ها وە  شوونێ


تا بۊنێدێا


یەسه بێقرار


کەفتێەسەئێ ڕێا


ئۊشم : دڵ!وەێره وه شوونێ نەگەرد


بەتر گیروودەێ خوەد کەیدن وە دەرد


وەر جە تۆ  منیش


فێرێ کردمه


وە فراقێ شین سێرێ کردمه


ئەێ دڵ من و تۆ هەردۆگ هام دەردیم


هەردۆگمان وه شوون یەێ گوم بی گەردیم


ئەویش چمانێ چێەسه باڵ ئەور


سەنێه‌ وە  من و تۆ قرار و سەور

 

                                                             حەبیب جەلیلیان (سالک)
                                                                  27/3/85

له‌ وه‌یشت عاشقی

 

 

           وه‌  وەیشت  عاشقی   ته‌و  کردمه‌ مْ


      کـــه‌ڕ وولاڵ شاقه‌  چۊ  که‌و کردمه‌ مْ


      بێـــــاوانەیل   داخ  و  پڕ  وە  په‌ێکوڵ


      وه‌ پاێ  په‌ تی وە په‌ێت ده‌و  کـردمه‌ مْ


      خه‌وم  تاگه‌ر  حــــرام   بوو  وە  فراقت


      کلگ   دایم   وه‌  ناو  چەو   کردمه‌  مْ


      وە  ترس   ته‌ریەگه‌ی  عشقت  دڵارام


      خــه‌فتن وە ڕووژ و ڕێ شه‌و کردمه‌ مْ


      هەرسه‌ێ  ئاوه‌خت سالک دین ڕۊده‌ 


      بنووڕ  وه ‌ نه‌زر تۆ  چــــــه‌و  کردمه ‌ مْ 
                        

                                         حەبیب جەلیلیان (سالک)

له‌ وڵات ئیمه‌ ڕه‌سمه‌

وە وڵات ئیمه‌ ڕه‌سمه‌


تاگە  مه‌لێگ


بووده‌ عاشق


باێسه‌


قه‌فه‌س نشین بوو


تاگه‌ مردن


یا گە ته‌وبه


هه‌ر که‌ عاشق بوو


وە لاێا


مردن و ته‌وبه‌ یه‌کێگن


*******‌


هه‌ر قه‌فه‌س خاسه‌


شه‌هیدانه‌ ژیانه‌


عاشقانه‌ مردن و


ته‌وبه‌ نه‌کردن


عه‌هد و په‌ێمان قه‌دیم عاشقه‌یله‌


ک شه‌هیدانه‌


ژیانه‌ .


                                      حەبیب جەلیلیان (سالک)

وێنه

دۊەشەو


وێنەد  دیم


     وە ئاسمان بی


 برژانگد تیر   و


برۊەد


           کەمان بی




                         حەبیب جەلیلیان -سالک