خهم دیوری تنهئی ئهوره واری !
وه عشق و دووسیو وه شهوقو مهیلهو
خهیالد چیوزه دهی وه پهلوهچهیلهو
خهم دیوری تنه ئی ئهوره واری
وهفر ناسه سهر ههرچی کیوهیلهو
گول ئهسرهیل ئاهوو
شهوی زهخمهیل نوو نوو چیوزه دهیدن
شهوی دهردهیل کوو کوو چیوزه دهیدن
شهوی وه ئزن شای گهورهی خوراسان
گول ئهسرهیل ئاهوو چیوزه دهیدن
تهرف تیون!
گول ئهسرهیل ئاهوو پر لهخیونه
خودا زانی گ حال ئیمه چیونه
چهنیگه کهوترهیل گومبهزهیلی
له داخ نوو گولهیلد تهرف تیونه
عهترهگهی شهوبوو
کهمی کهوتر ، کهمی ئاهوو بوارن
خودایا عهترهگهی شهوبوو بوارن
دواره لهی کهوین گومبهزهیله
دهسیگو یهی عهلهم چیو کوو بوارن
چهنیگه ...!
چهنیگه ژان بهش بالهیل ئیمهس
چهنیگه شهو رهنگ تالهیل ئیمهس
عهلهمدار و خهم وخیون و پهژاره
چهنیگه مهخش ئی سالهیل ئیمهس
ئاگر بهرهیل!
خودایا شین و وهی چوهس لهی شهوهیله
چمانی رو رو ئاگر بهرهیله
دواره شام عاشووراس و شین کهن
فریشتهیل فهلهک رای بیسهرهیله
کام دار ئرای هناسیگ ناسیدهد ؟!
له سیوک ههر کهلیمهیگ
کهسیگ خوهی شاردیه سهو
تِ هایده سیوک کام کهلیمه ؟!
له خهیال ههر هسارهیگ
کهسیگ درهو شیهید
ت له خهیال کام هساره
ئهول ولات بی پهلامارا
چهو چهوهکی کهید ؟
له ناو
وهلنگ ههر داریگ
کهسیگ هناس کیشید
ت کام دار ئرای هناسیگ
ناسیدهد ؟!
له تیول ههر شهوهکیانگ
کهسیگ منهی خوهشی کهید
ت خوهشی له گیرفان کام پهنشهمه منهی کهی ؟
لهسینی ههر دیواریگ
دهروهچیگ چیوزه دی
له کام دهروهچ
شهوهکیانیگ
ئراد بالهوازی کهید ؟!
گیان تنوو فریشتهگان
پهری پهری له ئی کیهنی وه ئهو کیهنی وسانه ههم
« کونهوهکوول» و سهر پهتی دیوهتهیل سهف بهسانه ههم
ههچیو هساره بربرن ، چهوهیلِ ئاگر گرن
دیوهتهیلِ ئیلِ کهلهورن ک لهی وهره وسانه ههم
فریشتهگان وه دهو دهوهو وه جامهکهیلِ کهو کهوهو
ئرا یهگِ تِ بیوننهو رهسن وهی ئاسمانه ههم
هسارهگهد له ناویان وه لهرزه لهرزه لهرزیهو
وه بالهگانِ بهرزیهو ریار کهشکهشانه ههم
هناسهگهی وهرِ سووهو دواره کهوترهیل نوو
وهلِ یهکا کوروو کوروو بالهگهیان بهسانهههم
گیان تنوو فریشتهگان له مال خالوو ئاسمان
وه خاتر چهوهیلِ تِ دواره چهپ کوتانه ههم !
مامە چیا میچ فرە خوشحال بووم وە بینین وێبلاگەکەو، من تونم لای خۆم لینک کرد. بژی کورد وەتایبەت کوردیل کرماشان.
سلام براگم لینک بین
سێپاس کاکە حسێین گیان
سلاو و ریز بو ئیوه ی به ریز
وبه که تان زور جوانه سه رکه وتووبن
ده س خوشیتان لی ئه که م که سه ردانی وبه که متان کرد.
سلام ممنون سرزدی جالب بود و بسیار لطیف
آفرین کچه کورد
سلام وبلاگ خوبی داری اما چرا فارسی توش ننوشتی فارسی هم بنویس کسی بتونه بخونه هرچه گشتم پروفایلت رو ندیدم بهم سر بزن بای